O TSXG avala a vía iniciada polo Concello para legalizar o edificio Conde de Fenosa

O Concello da Coruña mostra a súa satisfacción ante o último auto do Tribunal Superior de Xustiza de Galicia (TSXG) no que se rexeitan as maioría das peticións do demandante e referéndase a vía iniciada polo Concello para legalizar o edificio Conde de Fenosa.
Deste modo, o auto recolle que o Concello ten un prazo de seis meses, a partir de agora, para redactar e aprobar un proxecto técnico de demolición das obras de rehabilitación do edificio para executar a sentenza e, así, legalizar o inmoble, algo no que o Goberno local xa leva meses traballando. Tamén indica que se deberá informar mensualmente das actuacións realizadas. O TSXG rexeita a pretensión do demandante de que as devanditas obras “teñan, como resultado último inescusable, a restitución do edificio ao estado que presentaba antes da súa rehabilitación”; que exista un prazo máximo de 24 meses para a execución das obras; e tamén todo o que se refire a designar o alcalde como persoa responsable directa da execución da sentenza.
O Goberno local recorda que esta situación vén derivada dunha licenza concedida en 1997 por outro goberno e que, unha vez máis, lle tocou herdar e solucionar neste mandato. Neste sentido, a posición sempre foi moi clara: defender o interese xeral dos cidadáns e, para iso, esgotar todos os recursos legais ao seu alcance para evitar unha situación que sería moi daniña para o conxunto da cidade e as arcas municipais.