Miño loita contra a velutina e pide a veciños e veciñas que instalen trampas en lugares públicos

• Manuel Vázquez Faraldo emitiu un bando para animar aos cidadáns para combater a praga durante os meses nos que o insecto constrúe os seus niños.
• Ao longo das últimas semanas instaláronse trampas en diversos lugares públicos do municipio.
• En redes sociais achegaranse métodos para que os veciños poidan instalar os seus propios dispositivos de captura en xardíns e terreos privados, respondendo así a unha petición da Asociación Galega de Apicultores.
O Concello de Miño iniciou este mes de marzo a súa campaña de trampeo contra a avespa velutina. Ao longo das últimas semanas instaláronse trampas en diversos lugares públicos de todo o termo municipal e agora o alcalde, Manuel Vázquez Faraldo, emitiu un bando animando á cidadanía para instalar os seus propios dispositivos de captura en xardíns e terreos privados.
O obxectivo da intervención é combater a praga entre os meses de marzo e maio, que coincide coa fase de construción e actividade do niño primario por parte destes insectos. Coa instalación das trampas pódese reducir notablemente a proliferación de niños ao redor de zonas sensibles, como espazos de uso público ou vivendas.
#Ante a imposibilidade de realizar charlas divulgativas presenciais, e respondendo así a unha petición da Asociación Galega de Apicultores, o Concello de Miño optou por achegar en redes sociais métodos para crear dispositivos de captura caseiros elaborados con materiais non tóxicos.
O alcalde de Miño, Manuel Vázquez Faraldo, lembrou a importancia “desta campaña de trampeo para chegada do verán, cando a xente pasa máis tempo non exterior, e sobre todo a supervivencia dás explotacións apicultoras”.