A alcaldesa, Inés Rey, agarda que as e os novos policías locais sexan “una extensión do propio Concello”, para que deste xeito “poidan defender as ordenanzas municipais, velar pola seguridade de todas as veciñas e veciños e garantir o servizo público”
O Concello da Coruña reforza o seu compromiso pola seguridade ao incorporar desde hoxe dez axentes de Policía Local no seu cadro de persoal.
Inés Rey agarda que as e os novos policías locais sexan “una extensión do propio Concello”, para que deste xeito “poidan defender as ordenanzas municipais, velar pola seguridade de todas as veciñas e veciños e garantir o servizo público”.
As e os novos funcionarios de carreira foron recibidos esta mañá no pazo municipal de María Pita pola alcaldesa da cidade, Inés Rey, o concelleiro de Seguridade Cidadá, Juan Ignacio Borrego, o concelleiro de Facenda e Réxime Interior, José Manuel Lage, e o responsable da Área de Seguridade Cidadá, Carlos García Touriñán.
Ademais, ao remate deste mes incorpóranse ao cadro de persoal da Policía Local 23 profesionais chegadas/os da academia de policía. Son 33 as e os novos axentes que o Concello da Coruña suma para reforzar a seguridade na cidade no que vai de 2020.
