Os traballos da Área de Infraestruturas contan cun orzamento de 317.00 euros y está previsto que se amplíen á avenida de Gran Canaria nas próximas semanas
A Concellaría de Urbanismo, Mobilidade e Infraestruturas pon en marcha esta semana unha serie de actuacións destinadas a mellorar o asfaltado en 15 rúas da cidade, por un importe de 317.000 euros. “O
obxectivo destes traballos é intensificar a seguridade viaria e a accesibilidade”, subliñou a alcaldesa, Inés Rey, quen explicou que as obras forman parte dun programa de mellora dos barrios da cidade para dar protagonismo ás persoas e garantir unha maior accesibilidade e calidade de vida á veciñanza.
Os traballos para mellorar as calzadas comezaron a noite pasada na travesía de Almirante Eulate, no paso peonil Reverendo Álvarez Cabezas, na rotonda das Escravas e na avenida de Bos Aires. Tamén se realizarán reparacións nas rúas Eume, Sar, Miño e Tambre en horario diúrno. O mércores iniciaranse obras de fresado nas rúas México, Brasil e na avenida de Chile.
O equipo de mantemento trasladarase o xoves 12 aos distritos 8 e 9, onde se realizarán reparacións no firme no ámbito dos Cantóns e tamén en Linares Rivas. O venres 13, poñeranse en marcha pola noite os traballos de fresado e aglomerado na avenida Alcalde Pérez Ardá, desde Ramón y Cajal até a Rolda de Outeiro, en dirección á saída da cidade ao lado da estación de autobuses, que se prolongarán até a semana seguinte, cando se finalicen os traballos nas vías de entrada, ao carón do centro comercial El Corte Inglés.
Nas vindeira semana, tamén está previsto que renove o asfaltado na praza de Mina e na praza de Ponteveda, no cruzamento coa rúa Juan Flórez. Tamén se desenvolverán labores de mantemento das beirarrúas na zona norte da cidade e de mellora da accesibilidade nas rúas Sor Joaquina e Francisco Rodríguez Otero.
