Pais e nenos están convidados a revivir xunto á ‘Rock and kids band’ grandes temas xunto a estrelas do rock como Amy Guay, Angus, Jon Limón, Fredy Mercurio e Kiss
A Consellería de Cultura, Educación e Ordenación celebra o vindeiro 16 de febreiro un Baile de Entroido no que gozar coas mellores cancións da historia do rock. Só por ir disfrazados, pais e nenos están convidados a asistir ao Museo Centro Gaiás a un concerto moi especial da ‘Rock and Kids band’, banda formada por iconas do rock local como Amy Guay, Angus, Jon Limón, Fredy Mercurio e Kiss. Xunto a eles, faremos un percorrido pola historia do rock a través dos seus temas máis míticos.
O concerto da ‘Rock and Kids band’ estará conducido por unha mestre de cerimonias moi especial: StarSuperStar, que se encargará de propoñer un xogo por tema para que pequenos e maiores bailen xuntos e acaben convertidos nas grandes estrelas do espectáculo. Ademais, ao inicio e ao final do espectáculo, os asistentes poderán posar nun divertido photocall no que converterse en verdadeiras estrelas do rock e levar un recordo para casa.
Entrada de balde
O Baile de Entroido terá lugar o luns 16 de febreiro ás 18 horas no Museo Centro Gaiás e a entrada será de balde para todo aquel que vaia disfrazado ou con máscara.
Con esta actividade, Cultura e Educación aposta polo lecer compartido cun dobre obxectivo: educar e divertir ao mesmo tempo. A través da música, os nenos adquiren conceptos básicos como ritmo, compás, tipos de instrumentos…; inícianse no inglés a través das cancións e melloran a súa coordinación mediante o baile. E todo unha forma amena e na que facilitar a conexión e a complicidade entre pais e fillos.
