Este espazo, que conta cunha gran demanda, verá remodelado tanto o seu interior como o exterior.
O Concello de Malpica adicou unha partida de 43.606, 11 euros para a reforma integral da Galiña Azul do municipio. Este espazo, que conta cunha gran demanda, verá remodelado tanto o seu interior como o exterior.
As obras consistiron na reparación e substitución de todos aqueles elementos defectuosos tanto interiores como exteriores do inmoble, e completar ademais outros elementos necesarios para o correcto funcionamento da escola. Mellorouse o pavimento dos patios exteriores; a protección solar da sala polivalente, da aula de 0-1 anos, da de 1-2 anos, da aula de 2-3 anos e da sala de carros, mediante a colocación de elementos protectores nas fiestras. Na sala de carros substituíuse a porta de cristal
por unha cega con peche.
Ademais, tamén se substituíron elementos como as billas de arias aulas, protexéronse esquinas dalgúns elementos construtivos, colocáronse estantes e aplicouse un tratamento impermeabilizante e contra fisuras tanto nas fachadas como na parte interior das escaleiras.
Coincidindo co inicio do curso escolar, desde o Concello destacan ‘o importante salto cualitativo que suporán estas intervencións, e que ademais nos axudarán a crear espazos máis diáfanos e amplos, que nos axudarán no tema sanitario’, anotan.
O alcalde, Walter Pardo, insiste na petición de ‘respectar as medidas sanitarias no total de situacións diarias, xa que con pequenos xestos podemos facer grandes accións.
Desde aquí animo tanto a proxenitores como a alumnado polo inicio do curso, e agarda que coa colaboración de todas e todos poidamos reverter a situación’, finalizou o rexedor.
