Malpica propón para agosto un campamento de patinaxe para a rapazada de 3 a 12 anos

A primeira quenda celebrarase do 3 ao 7 de agosto.
O Concello de Malpica, a través da concellaría de Deportes, propón para agosto un campamento de patinaxe para a rapazada de 3 a 12 anos. A primeira quenda celebrarase do 3 ao 7 de agosto, e a segunda do 10 ata o 14 do mesmo mes.
En total, hai dispoñibles 20 prazas, que se poderán formalizar nas oficinas municipais do Concello. Esta actividade desenvolverase en horario de 10:00 a 13:00 horas, aínda que si é preciso será ampliado de 9:30 a 13:30 horas.
Gardaranse estritamente todos os protocolos de seguridade e hixiene pertinentes, e haberá a disposición das rapazas e rapaces xel hidroalcólico.