A alcadesa de Camariñas, Sandra Insua, asistiu hoxe ao acto de recollida das bandeiras azuis celebrado en Laxe.
O Concello de Camariñas é o único da comarca que conseguiu os catro distintivos azuis que outorga anualmente a Asociación de Educación Ambiental y del Consumidor (ADEAC), repetindo así os resultados acadados o pasado ano.
Na categoría de praias o areal de Arou obtivo a ‘Bandeira azul’, o Museo Man de Camelle conseguiu o de ‘Centro Azul’, o Club Náutico de Camariñas o de ‘Porto Azul’ e a ruta litoral de Camariñas o de ‘Sendero Azul’.
