Os traballos executaranse nun prazo de 25 días e teñen un orzamento de 33.000 euros aproximadamente.
Demarcación de Costas, a pedimento do goberno local do Concello de Miño, está a executar varias
reparacións na contorna da praia pequena do municipio, coñecida como praia dá Ribeira. Os últimos
temporais de inverno erosionaron varias cimentacións dos accesos ao paseo marítimo, xerando
ocos nas bases das ramplas e os muros que é necesario reparar para evitar que as estruturas veñan
abaixo.
É por iso que se demolerá o final da pasarela de madeira, para acondicionala en formigón; repoñeranse
os noiros de protección do paseo; repararanse os cimentos dos muros e da rampla de acceso
ao areal para facilitar o acceso aos vehículos de limpeza e recolleranse os residuos xerados.
O alcalde, Manuel Vázquez Faraldo, e o enxeñeiro da Demarcación de Costas, Carlos Gil, supervisaron
esta mañá os traballos. Alí tamén se deron cita as edís de Educación, Catalina Morado; a concelleira
de Praias, Elena Lage; a de Urbanismo, Emma González e o concelleiro de Obras, Agustín Sanz.
Executaranse nun prazo de 25 días, e teñen un orzamento de 33.000 euros aproximadamente. O
alcalde, Manuel Vázquez Faraldo, recalca a ‘ importacia destas intervencións, xa que este areal é un
dos que maior afluencia presenta pola súa localización, e os usuarios e usuarias demandaban estes cambios’,
dixo o rexedor.
