A sesión tivo lugar de maneira telemática hoxe, martes 26 de maio, ás 18:30 horas.
O Concello de Miño aprobou esta tarde en sesión plenaria puntos decisivos para o futuro máis inminente do municipio. A sesión tivo lugar hoxe martes, 26 de maio, ás 18:30 horas de maneira telemática, primeira vez na historia do municipio que se celebra un Pleno desta maneira. A sesión comezou gardando un minuto de silencio en recordo das vítimas polo coronavirus e en sinal de agradecemento ás forzas de seguridade e corpos sanitario.
Por tanto, validouse o decreto de alcaldía número 219/2020 do 2 de abril mediante o cal se solicitaba
participar nunha liña de subvención para a renovación total das instalacións de iluminación exterior
municipal. O proxecto será redactado por técnicos da FAEPAC a través da Deputación provincial da Coruña. Houbo unanimidade neste punto.
Tamén se aprobou inicialmente a modificación da Ordenanza xeral municipal sobre tráfico, circulación de vehículos de motor e seguridade viaria do Concello de Miño, asi como a aprobación da modificación da Ordenanza fiscal número 25 reguladora da taxa polo estacionamento de vehículos en zona de aparcamento limitado (zona ORA) no Concello de Miño. Obtivo os votos a favor do grupo de goberno e os votos en contra do Partido Popular de Miño.
Solicitarase, por outra banda, unha subvención á Deputación provincial da Coruña para o # POS+2020.
Adicional 1 para gastos sociais extraordinarios derivados do COVID-19, e outra para gasto corrente e
investimentos financeiramente sostibles. Quedou modificada a RPT, cadro de persoal e anexo de persoal do orzamento de 2019, prorrogado para 2020 e concretouse a modificación tanto do persoal como do
“anexo de persoal correspondentes ao orzamento de 2019, prorrogado para 2020: ampliación da xornada de traballo da praza de funcionario interino adscrito ao desenvolvemento do Programa temporal denominado “Plan Local de Educación Familiar 2017-2020”. En ambas as liñas houbo unanimidade.
O Partido Popular de Miño presentou unha moción para propoñer habilitar unha axuda de ata 500 euros
para o pago do aluguer de locais de autónomos do municipio. O grupo de goberno e o Partido Popular
de Miño comprometéronse a levar este asunto novamente a pleno, para presentar unha redacción máis
ampla neste sentido e favorecer a impulsión destas axudas ao conxunto do tecido comercial do
Concello.
Puntos decisivos para Miño
Desde o goberno local de Miño presentaron unha declaración institucional a favor da reforma do
Colexio Público Integrado castro Baxoi para ter un novo comedor e ata tres aulas adicionais. “En Miño
temos a fortuna de que a poboación en idade escolar medra cada ano, e por iso non prevese que a demanda de prazas non colexio baixe a medio prazo. *É por iso que solicitamos á Consellería de Educación que redacte ou proxecto correspondente”, apuntan desde o Consistorio. O grupo da oposición non mostrou vontade de asinar o devandito documento, avalado por un informe técnico e o consenso de toda a comunidade escolar.
Concertouse, á súa vez e tras a aprobación do Pleno por unanimidade, a formalización da operación
de préstamo con cargo ao Fondo de Ordenación 2020 por importe máximo de 6.647.579,34 euros para o
pago de sentenzas xudiciais firmes aos expropiados da macro urbanización FADESA.
Unha vez tívose a confirmación da concesión destes case 7 millóns de euros, tan só falta que sexan
abonados aos expropiados, e como comentamos en anteriores comunicados de prensa, está previsto
que sexa a mediados de xuño. O préstamo é a 10 anos, con dous de carencia, por tanto comezarase a amortizar no ano 2023, e a partir de aí terían que devolverse as cotas.
O alcalde, Manuel Vázquez Faraldo, quixo “agradecer ao Ministerio de Facenda a concesión deste
préstamo”, e sobre todo, tamén “aos expropiados, que coa súa xenerosidade e a súa boa disposición permitiron que o goberno local chegue a un acordo con todas e todos eles/ as, renunciando a cobrar a
recarga dos intereses sen o cal non sería viable esta operación.” Faraldo declarou que “con este préstamo
termínase un conflito de 18 anos. Os expropiados tiveron que acudir en cadea a todo tipo de tribunais,
gañando sentenza tras sentenza.” O que evitamos con este acordo é que “a débeda siga crecendo, e o que buscamos agora é que o Ministerio axilice os trámites para que os afectados poidan cobrar esta cantidade que foron concedidas por parte do Ministerio”, sentenciaba o rexedor.
