O Goberno local reforzará os servicios municipais para protexer á crianza máis vulnerable
A Concellería de Benestar Social repartiu 25.700 menús do programa Bolsa comedor desde que se iniciou o estado de confinamento.
Un total de 673 crianzas están dadas de alta no servizo municipal, que se está a prestar tamén nas datas festivas en que se entregan os kits de comida.
O Goberno local, consciente da situación complicada en que se atopan moitas familias da cidade debido a crise sanitaria, ten previsto adoptar novas medidas para reforzar os servizos municipais que traballan para protexer á crianza máis vulnerable,
A maioria das familias recollen o menú no colexio que lles asignan os responsables de Benestar Social. No caso de non poidan saír do seu domicilio, un equipo de voluntarios lévanllo á casa. Así, un total de 99 nenas e nenos reciben os menús na súa casa a través do persoal voluntariado e de Protección Civil.
Os centros educativos Raquel Camacho, María Pita, Víctor López Seoane, Salgado Torres, Fogar de Santa Margarida, e Grande Obra de Atocha, son os puntos onde se fai a repartición.
Por outra banda, o concello respondeu a 1074 peticións de axuda da veciñanza máis vulnerable a través do dispositivo de voluntariado que puxo en marcha o 13 de marzo. Do total de 530 persoas cooperantes que se inscribiron na convocatoria que realizou a concellería cando se decretou o estado de alarma, activáronse 266.
Estes voluntarios e voluntarias axudan ás persoas que se atopan en situación de dependencia e soidade ou que teñen mobilidade reducida e non poden saír da súas casa. Realizan tarefas como ir ao supermercado, á farmacia, ou acompañanas ao centro de saúde no caso de teren citas médicas. Ademais, colaboran na repartición de bolsas comedor e de menús e alimentos a domicilio,
