Esta mesma semana enviouse unha nova partida de 6.100 luvas, 8.500 máscaras e 325 traxes antisalpicaduras
O delegado territorial da Xunta na Coruña, Ovidio Rodeiro, participou nunha nova reunión do Posto de Mando Avanzado, no encontro fíxose balance de todo o material entregado aos concellos e as residencias da provincia desde o inicio da crise do coronavirus.
A Xunta de Galicia realizou esta semana un novo envío de material de protección fronte á COVID-19 con destino aos concellos galegos. No caso concreto dos concellos da área e da cidade de Ferrol a partida inclúe 8.500 máscaras, 6.100 luvas, 325 traxes antisalpicaduras e 97 pantallas faciais. En total, enviouse aos concellos da área de Santiago 15.022 unidades de protección esta semana.
Ata o de agora, o Goberno galego leva entregados aos municipios da comarca de Ferrolterra incluída a cidade en conxunto, 131.745 unidades de material de protección desde o inicio da crise sanitaria para os servizos municipais que presta. En total foron 66.932 máscaras, 62.600 luvas e 2.213 traxes, enviados en doce entregas desde o inicio da crise do coronavirus.
Un material que, segundo a información facilitada polas propias cidades e concellos está sendo destinado a está sendo destinado para o seu uso, principalmente, no Servizo de Axuda no Fogar, e servizos básicos de Protección Civil, Policía Local ou transporte público.
Entre as partidas enviadas inclúense asemade botes de xel hidroalcohólico, garrafas de desinfectante e unidades de lixivia.
Os criterios de reparto están consensuados coa Federación Galega de Municipios e Provincias (FEGAMP) e realízanse en base a criterios obxectivos tendo en conta a poboación, o número de casos positivos, o número de efectivos de Policía, o número de voluntarios de Protección Civil, e o número de horas do servizo de axuda no fogar.
Con esta medida, Goberno galego pretende dotar do equipamento necesario ás entidades locais para que o persoal dos servizos municipais involucrados na loita contra a expansión do coronavirus e que seguen a traballar como é o caso de Protección Civil ou os servizos de axuda no fogar para que conten co material de protección que precisan.
Ademais, desde a Xunta realizouse tamén un novo envío de material de protección a 18 residencias e entidades sociais dos concellos da área da Coruña, concretamente a centros de Ferrol, Narón, Cedeira, Fene, Moeche, Pontedeume, As Pontes, San Sadurniño e Valdoviño. En total, 24.205 Epis. Enviáronse as residencias e asociacións de Ferrol, 17.100 luvas, 5.949 máscaras e 1.156 traxes antisalpicaduras.
MATERIAL DE PROTECCIÓN ENVIADO Á COMARCA DE FERROLTERRA DESDE O INICIO DA CRISIS DO CORONAVIRUS
| CONCELLO | LUVAS TOTAL | MASCARILLAS CIRÚRXICAS TOTAL | TRAXES, BATAS,BUZOS TOTAL |
| Ares | 3890 | 2722 | 56 |
| Cabanas | 1600 | 1890 | 120 |
| Capela, A | 800 | 883 | 79 |
| Cedeira | 2790 | 2973 | 89 |
| Cerdido | 800 | 866 | 79 |
| Fene | 2290 | 3890 | 160 |
| Mañón | 800 | 901 | 79 |
| Moeche | 800 | 881 | 79 |
| Monfero | 1500 | 1640 | 107 |
| Mugardos | 2490 | 2523 | 55 |
| Narón | 4190 | 8315 | 124 |
| Neda | 2590 | 2565 | 84 |
| Ortigueira | 2090 | 2407 | 99 |
| Pontedeume | 2790 | 3384 | 97 |
| Pontes de García Rodríguez, As | 3090 | 3718 | 123 |
| San Sadurniño | 1600 | 1817 | 120 |
| Somozas, As | 800 | 863 | 79 |
| Valdoviño | 2090 | 2738 | 105 |
| Vilarmaior | 1500 | 1064 | 33 |
| Cariño | 1600 | 1982 | 120 |
| TOTAL | 40100 | 48022 | 1887 |
