Están fabricadas por diversos colectivos da comarca con material homologado
O Concello de Cariño repartirá a próxima semana máscaras reutilizables para todos
os nenos e nenas do municipio. Están fabricadas con material homologado e da
súa elaboración encárganse diversos colectivos da comarca.
As máscaras terán diferentes tallas e entregaranse aos nenos e nenas de entre 3
e 14 anos. O alcalde, José Miguel Alonso Pumar, afirmou que “esperamos recibir todas
as máscaras a semana que vén e nese momento concretaremos cos veciños e
veciñas como levará a cabo o repartición pero o que é seguro é que haberá para
todos. Non incluímos aos menores de 3 anos por recomendación sanitaria”.
Paralelamente, a asociación de Patchwork de Cariño fixo outra entrega de máscaras ás
que o Concello está a incorporarlles un filtro de Tecido non Tecido (TNT), o
material recomendado polo Goberno, e que servirán para que, no momento no
que se faga a repartición das máscaras infantís, tamén se lles entregue unha
máscara a maiores a un dos titores para que poidan usala ao saír á rúa cos
seus fillos.
A concelleira de Asuntos Sociais, María José Fraguela, quixo agradecer o labor de “estes colectivos
que están a colaborar connosco activamente desde que comezou
o Estado de Alarma” e que agora nos permite “fornecer a todos os nenos e nenas de Cariño
de ata 14 anos dunha máscara reutilizable”. Ademais, lembrou que
“facemos esta repartición masivo para os nenos porque eles son o primeiro colectivo que
comeza a desescalada do confinamento. Para o resto as medidas máis efectivas
son a hixiene frecuente de mans e, sobre todo, quedar nas súas casas”.
Doutra banda, tras realizarse diferentes reparticións de material como pantallas e
máscaras aos colectivos que nunca cesaron da súa actividade durante o Estado
de Alarma (supermercados, farmacias…), Alonso Pumar informou de que “o Concello
tratará de estender esa medida ao resto de colectivos que se están
incorporando á actividade laboral”.
