A Axencia Desenvolvemento Local Camariñas xa realizou o envío de cuestionarios, anónimos e breves, ás empresas do Concello para coñecer a súa situación actual e as necesidades que teñen e terán como consecuencia da declaración do Estado de Alarma.
O prazo para devolver os cuestionarios cubertos remata mañá, xoves 23 de abril. Se alguén non o recibiu debe solicitalo no correo electrónico adl@camarinas.net.
Esta acción enmarcase dentro do Plan de Reactivación Económica que están a deseñar todas as ADL da Costa da Morte e que pronto se presentará aos 15 Concellos da Costa da Morte que se uniron nun obxectivo común.
