A concellería distribuíulles até 318 lentes, 316 pantallas protectoras e 61 traxes ás tres firmas adxudicatarias desta prestación para as repartiren entre o persoal que asiste a veciñanza nas súas vivendas
A Concellería de Benestar Social repartiu entre as tres
empresas adxudicatarias do servizo de axuda a domicilio -INGESÁN, FEPAS e CLECE- un
total de 570 máscaras de media e alta eficacia así como un segundo lote delas de uso
cirúrxico, 900 batas, 318 lentes protectoras, 316 pantallas e 61 traxes de protección para
que as distribúan entre o persoal que asiste a veciñanza nas súas vivendas.
En concreto, INGESÁN puido entregarlles así ás e aos seus empregados 370 máscaras,
500 batas, 140 lentes, 180 pantallas e 34 traxes de protección, mentres que FEPAS repartiu
entre o seu persoal até 150 máscaras, 300 batas, 106 lentes protectoras, 86 pantallas e 16
traxes de protección.
Por último, CLECE distribuíu un total de 50 máscaras, 100 batas, 72 lentes protectoras, 50
pantallas e 11 traxes para que as persoas auxiliares que atenden a poboación máis
vulnerable nesta emerxencia sanitaria estea protexida. Aínda que son as firmas as que
teñen a obriga legal de entregaren o material que garanta a seguridade dos seus e das súas
traballadoras, o concello tratou de reforzalo con máis unidades ante o problema de
desasbastecemento que está xerando a pandemia.
