O concello informa dos pasos que cómpre seguir nestes casos durante a vixencia do Real Decreto 463/2020 do 14 de marzo, e nas súas posibles prórrogas
A finalidade desta guía é unificar a primeira resposta
e optimizar a atención das e dos profesionais sociais e da Policía Local nos casos de
violencia de xénero con convivencia durante o confinamento. Ante a corentena obrigatoria
fixada despois de que for determinado o Estado de Alarma, xorde a preocupación especial
por certos grupos de risco e, en concreto, (no que a esta guía se refire), polas mulleres e
menores en situación de violencia de xénero que poidan estar confinadas nas súas
vivendas cos seus maltratadores. Esta guía pretende unificar criterios en caso de que unha
destas mulleres ou menores contacte co Centro de Información ás Mulleres (CIM) para
solicitar atención telefónica ou telemática.
É un documento de traballo que se poderá ir adaptando segundo as necesidades e que non
limita unha valoración profesional diferente dun caso en concreto.
1. Se a chamada é dunha muller ou menor que estea sufrindo a agresión, nese momento
contactará inmediatamente co 091/092/062 (dependendo da aparente localización da/s
vítima/s) e, adicionalmente, se for necesario, co correo electrónico sala092@coruna.es polo
medio máis rápido posible (procurando non cortar a conexión coa muller) e recabar o
máximo de información empezando por ONDE está localizada nese momento.
2. En caso dunha consulta sobre violencia de xénero en xeral, se a persoa que chama é a
propia interesada, facilitaráselle a información requirida conforme á práctica habitual do CIM
e aos coñecementos profesionais. Terase en conta que se se trata dunha usuaria nova,
Nota de Prensa
vanlle preguntar se opta por consulta anónima ou identificada e, neste caso, para os efectos
da normativa de protección de datos, pediráselle autorización expresa para tomar os seus
datos. Se a resposta for positiva, recolleranse polo menos os seguintes datos: 1.
DOMICILIO no que reside (no que está, aínda que estea empadroada noutro sitio), incluído
o concello de residencia. 2. Nome completo 3. Número de DNI/NIE/ referencia do seu
pasaporte (se non ten NIE) 4. Teléfono de contacto.
Na ficha que se realice da entrevista quedará constancia, baixo dilixencia da funcionaria
actuante, de que se proporcionou esa información por teléfono e indicaráselle que os seus
datos serán utilizados para a súa atención social e xestión da súa seguridade. Se a persoa
usuaria requirise máis información, facilitaráselle a establecida na ficha de protección de
datos que habitualmente se manexe e, se for o caso, poderáselle enviar unha copia ao
correo electrónico que a usuaria indique.
Se da entrevista se constata que existe (segundo as manifestacións da muller) violencia de
xénero e que están compartindo ou se atopan no mesmo domicilio vítima e maltratador,
actuarase da seguinte forma: Se a muller/menor fai referencia a sucesos pasados e/ou risco
de repetición (sexan físicos, incluídas as agresións sexuais, ou psicolóxicos), a/o profesional
escoitaraa activamente, prestaralle no seu caso a atención emocional que demande e
informaraa sobre a denuncia e os servizos de garda da quenda de oficio así como da
posibilidade de saír do domicilio por causa de forza maior ou situación de necesidade,
conforme ao que dispón o real decreto que establece o estado de Alarma.
Se a muller non puider saír do domicilio por si mesma (risco de que a parella o impida),
avisaranse as forzas e corpos de seguridade. NESTE CASO, SE A POSIBLE VÍTIMA
RESIDISE NO TERMO MUNICIPAL DA CORUÑA, AVISARASE DIRECTAMENTE O
PERSOAL DA SALA DO 092, QUE PODERÁ ACUDIR AO DOMICILIO PARA REALIZAR
UN INFORME DA SITUACIÓN E GARANTIR A POSIBILIDADE DE QUE A VÍTIMA SAIA
DA VIVENDA PARA OS EFECTOS DE PODER ACUDIR A INTERPOÑER A DENUNCIA
CORRESPONDENTE. Quedarán en mans dos axentes actuantes outro tipo de medidas,
incluída a presentación de persoa detida cando isto proceder. Neste suposto, se desde a
Sala non se puider dar resposta, contactarase directamente cos seguintes teléfonos co fin
de xestionar a situación: 618800321 ou 629890998.
Nota de Prensa
Se a chamada a realiza unha terceira persoa (amizades, familia, veciñanza, etc.) e ten
datos dunha agresión actual, derivarase a chamada ás forzas e corpos de seguridade
segundo corresponda (se é no termo municipal da Coruña, 091/092; se é no ámbito rural,
062), e informaráselle da súa obriga de denunciar conforme á lei. Neste contexto, e salvo
petición expresa e directa da propia vítima usuaria, NON se lles realizarán chamadas
directas ás mulleres que puideren estar convivindo co agresor debido ao risco para elas ao
recibírenas en presenza do potencial maltratador. Aínda así, facilitaránselles ás persoas
preocupadas as formas de contacto directo para que a muller se comunique co persoal
técnico do CIM do xeito máis flexible posible.
