A alcaldesa visitou esta tarde a zona para abordar coa veciñanza as problemáticas que lles preocupan no refente á accesibilidade, iluminación e mobilidade
A alcaldesa, Inés Rey, visitou esta tarde núcleo das Rañas para reunirse con varios membros da asociación de veciños que lle amosaron tanto á rexedora como aos técnicos municipais que alí se achegaron as súas preocupacións pola accesibilidade, iluminación e mobilidade do barrio.
Os veciños solicitaron melloras viarias e creación de beirarrúas para o acceso ao núcleo de vivendas e un paso de peóns. Ademais, tamén lle pediron ao concello unha iluminación máis óptima para o lugar.
Canto á mobilidade, os veciños demandan que chegue un bus urbano á zona. A rexedora comunicoulles que van estudar que liña de autobús podería dar servizo e que se lles presentará esta proposta.
Hai semanas a asociación veciñal mantivo unha reunión co concelleiro de Urbanismo, Infraestruturas e Mobilidade, Juan Díaz Villoslada, na que lle pediron que os técnicos municipais visitasen a zona para estudar a viabilidade das melloras que solicitan.
