A primeira cita celebrouse hoxe no centro cívico do Castrillón, onde pequenas e pequenos elaboraron filloas e orellas coas persoas maiores que lles ensinaron as receitas de manera voluntaria
No centro cívico do Castrillón comezou hoxe “Cociña cos teus maiores”, unha actividade gratuíta que vai rotar polos distintos edificios municipais da cidade e que abordará o receitario en función da época do ano na que se celebre, de xeito que se organizará naquelas nas que haxa algún tipo de gastronomía típica para que as persoas maiores lles ensinen aos pequenos e pequenas de xeito voluntario os segredos da cociña máis tradicional.
A primeira cita xirou en torno ao Entroido coa elaboración de filloas e orellas entre a rapazada e as persoas maiores que se achegaron ao centro. Desde Benestar Social están programadas outras máis coincidindo coa Semana Santa e o Nadal.
