Este novo organismo é un dos compromisos que recolle a Declaración da Coruña por unha mobilidade máis sostible
A Xunta de Goberno Local celebrada o pasado 22 de outubro de 2019 acordou a constitución da Mesa pola Mobilidade Sostible do Concello da Coruña. Este acordo modificouse o pasado 4 de novembro de 2019.
A Mesa pola Mobilidade Sostible estará asistida polo Comisionado de Mobilidade, que exercerá as funcións de secretaría, con voz e sen voto. Segundo a resolución do 16 de decembro de 2019, estas funcións asignáronse ao superintendente da Policía Local Antonio Francisco Alfeirán Rodríguez.
A constitución da Mesa pola Mobilidade Sostible está previsa para o vindeiro mes de xaneiro coa celebración da primeira sesión deste órgano, destinado a fomentar a participación das políticas en materia de mobilidade. A Mesa será un foro estable de traballo para analizar as propostas que presenten os diferentes axentes vinculados á mobilidade.
A Concellería de Urbanismo, Infraestruturas e Mobilidade destaca que a creación deste organismo foi un dos compromisos que recolle a Declaración da Coruña por unha mobilidade máis sostible.
