O concelleiro de Urbanismo e Moblidade, Juan Díaz Villoslada, anunciou que as obras contan cun orzamento de preto de 400.000 euros
O Concelleiro de Urbanismo e Mobilidade, Juan Díaz Villoslada, reuniuse esta mañá en María Pita co vicepresidente da Fundación Centro Oncológico de Galicia, Fernando Cachafeiro, o director médico, Alfonso Mariño, o xerente do centro, Manuel Ramos, e Lucía Cachafeiro, secretaria da fundación, para abordar distintas cuestións relativas ás melloras da accesibilidade ao hospital.
O concelleiro anunciou que o Concello ultima o proxecto de mellora do vial para garantir a mobilidade e os accesos a pacientes e profesionais do centro que son os principais usuarios desta vía. Trátase de ampliar a estrada, xa que é moi estreita e atópase en moi mal estado. Ademais, se levarán a cabo obras no sistema de pluviais e iluminación. O proxecto, que dispón dun orzamento de preto de 400.000 euros, executaríase con cargo ás contas do
2020. Os traballos forman parte do plan de mellora de mobilidade que o Concello poñerá en marcha o próximo ano co fin de construír unha cidade máis accesible para toda a cidadanía.
Durante a reunión tamén se analizou o estado do inmoble que se atopa, segundo explicou
Ramos Vázquez, bastante deteriorado.
