O concelleiro de Cultura, Jesús Celemín, acudiu á entrada ao museo da cativada que terá como agasallo unha visita ao Aquarium, na que lles poderán dar de comer ás focas
O concelleiro de Cultura, Jesús Celemín, foi testemuña esta mañá da visita catro millóns á Casa das Ciencias, protagonizada polo alumnado de quinto e sexto de Primaria do CEIP José Cornide Saavedra, da Sardiñeira. O edil manifestou que este tipo de actos son proba do traballo de anos do seu cadro de persoal e do resto de centros que achegan na cidade a ciencia e o coñecemento dunha forma lúdica e didáctica ao mesmo tempo.
Pola súa parte, o director dos Museos Científicos, Marcos Pérez, sinalou que “hoxe cumprimos este fito, que é un número redondo e que nos axuda a pensar sobre a importancia deste museo na Coruña e en Galicia”. Como agasallo, o persoal responsable do edificio pensou para eles unha visita especial ao Aquarium, dada a súa idade e intereses, onde as nenas e os nenos poderán darlles de comer ás focas: “Unha experiencia fermosa porque subirán ás plataformas dos acuaristas para levarlles un alimento que elaborarán elas e eles previamente”.
