O Goberno local inicia unha revisión do estado da totalidade das salas de apostas da cidade
O Concello da Coruña anuncia que non vai permitir a realización de actividades de apostas e vinculadas co xogo en ningún edificio municipal. Como consecuencia desta decisión e mantendo o seu compromiso na loita contra a ludopatía na cidade, o Goberno local procedeu a dar a orde de peche inmediato da sala de apostas da Estación de Autobuses.
Tras estudar o estado da devandita sala de apostas, os técnicos municipais ditaminaron o seu estado de precariedade ao non disponer de licenza nin autorización e, polo tanto, procedeuse a resolver a relación concesional coa empresa.
A loita do Goberno local contra a ludopatía é clara, e proba diso son as reunión s continuadas que mantén a concelleira de Benestar Social, Igualdade e Participación, Yoya Neira, coa Asociación Galega de Ludópatas en Rehabilitación (Agalure), ademáis da moción aprobada no pasado Pleno Ordinario do Concello por unanimidade.
Canto ao resto de salas de apostas e, o Concello xa iniciou o proceso de revisión dos actos comunicados por entidades vinculadas ás actividades do xogo para comprobar se contan con licenza expresa e en que condicións de implantación para
declarar a súa ineficacia. O consistorio xa notificou a varios locais da cidade a orde de cese de actividade.
