A directora xeral Xuventude, Participación e Voluntariado, Cristina Pichel, gabou iniciativas como Xoves Interculturais da ONG Mestura que fomenta a inclusión social e laboral das mozas e mozos en dificultades.
O programa Xoves Interculturais aposta pola creación de espazos de formación, diálogo e intercambio de experiencia xuvenís coa finalidade de potenciar habilidades persoais, profesionais e de participación social nos mozos e mozas da Área Metropolitana de a Coruña e máis concretamente, do concello de Culleredo. A iniciativa diríxese especialmente ao colectivo de rapazas e rapaces migrantes ou en risco de exclusión social con idades comprendidas entre os 16 e 35 anos.
