A misión é froito dun convenio de colaboración asinado entre a Xunta de Galicia e a Secretaría de Turismo de México
Turismo de Galicia trasladou o seu know how a unha delegación procedente de México, encabezada pola Secretaría de Turismo de México, que se desprazou a Galicia para traballar durante varios días no turismo termal e no fenómeno das peregrinacións.
A misión, que é froito dun convenio de colaboración asinado entre a Xunta de Galicia e a Secretaría de Turismo de México, contou coa participación de representantes da Secretaría de Turismo de México, da Secretaría de Hacienda y Crédito Público (SHCP), do Fondo Nacional de Fomento ao Turismo (FONATUR), do Consello de Promoción Turística de México (CPTM), do Consello Nacional para a Cultura e as Artes (CONACULTA), e do Instituto Nacional do Emprendedor (INADEM).
Durante a súa estancia na Comunidade galega, a delegación levou a cabo unha nutrida axenda con diversos encontros coa directora de Turismo de Galicia, visitas a diferentes tramos do Camiño de Santiago así como a albergues da Rede Pública do Xacobeo e unha visita ao prestixioso Centro Superior de Hostalería de Galicia, entre outras accións.
Durante as xuntanzas coa directora de Turismo de Galicia, puideron coñecer as iniciativas que desde a Xunta de Galicia estanse levando a cabo para consolidar a Galicia como destino termal global así como as claves que fan do turismo termal un dos produtos turísticos máis importantes e estratéxicos de Galicia.
Así mesmo, os representantes mexicanos afondaron sobre o Camiño de Santiago e a súa xestión e promoción que converteron a ruta xacobea nun referente internacional do fenómeno das peregrinacións.
A delegación interesouse tamén polas iniciativas que desde Turismo de Galicia desenvólvense a prol da calidade no sector turístico galego destacando o claro compromiso da entidade neste aspecto para a que a calidade sempre constituíu unha peza determinante na toma de decisión das políticas turísticas da Xunta de Galicia.
O grupo mexicano tivo tamén a oportunidade de coñecer o prestixioso Centro Superior de Hostalería, un dos máis prestixiosos centros de formación do sector turístico a nivel internacional que se sitúa á vangarda da formación.
Galicia e México estudan agora a posibilidade de comezar novos proxectos comúns nestes ámbitos e no campo da promoción turística mutua.
