O pleno municipal de Brión celebrou hoxe venres a súa sesión ordinaria de agosto, prevista inicialmente para o pasado mércores pero que tivo que aprazarse ata o venres pola ausencia de persoal funcionario. Na orde do día, ademais da aprobación do cambio de data da sesión, só dous puntos que tamén foron aprobados por unanimidade: a acta da sesión anterior e os festivos locais para 2020.
Nestes punto, o alcalde de Brión, José Luís García, explicou que “mantemos o xoves 21 de maio, día da Ascensión, e como Santa Minia cadra en domingo e o San Xoán é festivo autonómico, propoñemos o Luns de Pascua, que será o 13 de abril”. Un punto aprobado sen debate e por unanimidade.
