A reunión enmárcase dentro da rolda de encontros protocolarios que a rexedora mantén con representantes das principais institucións da cidade
A alcaldesa, Inés Rey, mantivo esta mañá unha reunión no Palacio de Capitanía co xeneral xefe da Forza Loxística Operativa (FLO), Francisco Javier Sánchez Fernández. A visita, que se enmarca dentro dos encontros protocolarios que a rexedora está a manter coas distintas persoas que representan as institucións da cidade, serviu para que Rey coñecese con máis detalle o labor que desenvolven.
Ambos mantiveron unha entrevista na que trataron temas de interese xeral para a cidade. Tras a sinatura da alcaldesa no libro de honra da Forza Loxística, realizaron unha breve visita polas dependencias máis significativas do Palacio de Capitanía, entre as que destacan especialmente o salón do trono, a sala de honra e o claustro. Durante o percorrido, Inés Rey informouse do papel da Forza Loxística e das distintas actividades que desenvolve na cidade.
Na visita tamén estiveron presentes Alfredo Pérez de Aguado Martínez, xeneral de brigada e xefe do Estado Maior da FLO, e os xefes das diferentes áreas do Cuartel Xeral.
