A iniciativa inclúe accións dentro e fóra de Galicia dentro da estratexia de desestacionalización impulsada polo Concello
O Consorcio de Turismo, que preside o tenente de alcalde de Emprego e Empresa Luisa Cid, lanzou unha campaña de promoción da cidade centrada na súa oferta do Nadal con promocións online e ofertas e paquetes especiais dirixidas ao público e axencias de viaxes.
As accións, que se prolongarán durante un mes, inclúen a difusión dun vídeo promocional da Coruña de 1,30 minutos de duración co Pobo de Nadal como gran protagonista, para a súa difusión en redes sociais e na páxina web do Consorcio de Turismo (www.turismocoruna.com e www.navidadcoruna.com ).
Ademais das campañas online, o Consorcio de Turismo aposta por accións específicas en comunidades autónomas próximas como Castela e León e Asturias e tamén do norte de Portugal, lugares onde se instalarán máis de medio centenar de paneis publicitarios. Este tipo de accións tamén se poñerán en marcha en Galicia, tanto en municipios da área metropolitana coma en localidades do resto das provincias galegas.
Buscar a desestacionalización da oferta turística e dar a coñecer os atractivos da Coruña como destino familiar ou de fin de semana son os obxectivos desta nova iniciativa do Consorcio de Turismo para captar o maior número de visitantes durante todo o ano e non só nas datas consideradas tradicionalmente turísticas.
