O Concello de Frades vén de homenaxear á S.E. Abellá S.D.C. polo seu recente ascenso á Primeira Rexional Galega. O alcalde de Frades, Roberto Rey Martínez, e o concelleiro de Cultura, Manuel Ferreiro Marzoa, entregáronlles un agasallo a todos os xogadores e á directiva encabezada por Manuel Gómez. Un acto no que aproveitaron tamén para render homenaxe a Iván Méndez e Miguel Santos, dous capitáns da SE Abellá que se retiran do fútbol federado esta temporada.
