Máis vitorias para o Club Atlética A Silva-Ordes. Concretamente as acadadas por Alma Bello Iglesias, ouro en 50 metros e prata en salto de lonxitude, e a de Bruno García Blanco, bronce en lonxitude dentro do Campionato Galego das categorías S10 e S12. A proba disputouse esta pasada fin de semana en Lugo.
Ademais, cómpre dar conta tamén da participación infantil feminina (S14), que se desprazará ata Cidade Real para participar, por primeira vez na súa traxectoria, no Campionato de España por Equipos, o cal terá lugar os vindeiros 15 e 16 deste mes. As súas integrantes serán: Noa Rey, Andrea Orjales, Diana Mosquera, Antía Rey, Julia Parcero, Ángela Pereiro, Sara González, María Pena e Nadia González.
