Máis de 2000 rapaces participaron hoxe na exhibición solidaria da Garda Civil que tivo lugar no polideportivo brionés sesión de mañá (9:30 a 13:30 horas) e de tarde (16:00 a 18:00 horas). Unha xornada solidaria na que se recolleron uns 6.000 kilogramos de alimentos e material escolar. Ambos foron entregados a Cáritas para distribuír entre os colectivos máis vulnerables.
A sesión de mañá contou coa visita dos nenos e nenas dos diferentes colexios da contorna entre os que se atopaban os de Ames, Teo e, incluso, o IES de Brión, entre outros. As autoridades asistentes: o alcalde de Brión, José Luís García; o delegado do Goberno de Galicia, Javier Losada; subdelegada do Goberno na Coruña, Pilar López-Rioboo, así como o xeneral xefe da XV Zona da Garda Civil e o coronel da Comandancia da Coruña, Luís Francisco Rodríguez e Francisco Javier Jambrina, respectivamente, aproveitaron a mañá para desfrutar en vivo e en directo das diferentes exhibicións previstas, así como para saudar a todos os axentes da Comandancia da Garda Civil na Coruña que coa colaboración do Concello de Brión trouxeron, por primeira vez, esta actividade a Brión e a súa contorna.
Os escolares dos diferentes centros educativo puideron participar dun simulacro de rescate dun ferido en montaña protagonizado polo Equipo Cinolóxico e o Equipo de Rescate e intervención en montaña de Ourense, así como nunha exhibición de actividades de cans de detección de drogas e explosivos. Xa pola tarde, as familias poderan desfrutar dos diferentes simulacros e exhibicións, así como do despegue dun helicóptero da Garda Civil nos terreos anexos ao CEIP Pedrouzos.
O delegado do Goberno quixo agradecer “al Concello de Brión, que nos haya acogido hoy, a Caritas por ejercer nuestra generosidad, y a la Guardia Civil por su esfuerzo por acercarse a la ciudadanía, incluso, a los más jóvenes de Galicia. En este caso a los de Brión para que puedan conocer el trabajo delos Cuerpos y Fuerzas de Seguridad del Estado que se encargan de la defensea de las libertades y la democracia, así como la muestra de material que se utiliza para preservar nuestro territorio”.
Unha actividade que conta con catro anos de vida percorrendo Galicia e que nesta ocasión achegouse a Brión e á súa comarca. Unha satisfacción para o alcalde brionés que agradeceu o feito de que “escollesen Brión para esta actividade na que participan nenos e nenas pasando un día feliz”. Neste sentido, José Luis García manifestou “a nosa total colaboración dende este Concello coa Garda Civil, que cada vez que a necesitamos colabora con nós”.
