Preto de 400 persoas participaron onte no 28 Encontro de Maiores do Concello de Boqueixón. A xornada de confraternidade comprendeu varias actividades e sorpresas para a veciñanza asistencia.
En primeiro lugar, celebrouse unha misa no salón de actos do CPIP Antonio Orza Couto. A continuación, desenvolveuse xantar no polideportivo do Forte.
Como xa é tradición, o Concello de Boqueixón homenaxeou ás dúas persoas de maior idade desta cita. Nesta ocasión, Carmen Mareque Picón, que cumprirá neste ano 96 primaveras, e José Barrio Cardama, de 95 anos, levaron cadansúa placa conmemorativa.
Ademais, e grazas á colaboración de Gasolineras SBC, realizouse un sorteo dun total de 26 agasallos de distinto tipo entre as persoas asistentes. O 28 Encontro dos Maiores de Boqueixón finalizou cunha animada actuación musical.
