Tras os bos resultados obtidos polos máster do Club Atlética A Silva-Ordes no Campionato Galego de Pista Cuberta, onde sumaron 16 medallas (9 ouros, 6 pratas e 1 bronce); volvían esta fin de semana a Ourense para participar no Campionato de España Máster en Pista Cuberta. En total sumaron 10 metais. Por parte do equipo feminino destaca a actuación de Ana Abuín (ouro en peso) e a do equipo de relevos feminino de 4×200 (F40) (María Isabel Fernández, Lucía Doval, Vanessa Insaurralde e María del Carmen Araujo), que ademais de acadar o ouro bateron o récord galego da categoría. Outro récord autonómico foi o que conseguiu o equipo de relevos masculino (José Domínguez, Alberto Vázquez, José Darío Núñez e Basilio Bernárdez) 4×200 (M45). As pratas correron a cargo de Alberto Vázquez (triplo salto) e Basi Bernárdez (lonxitude e triplo salto). Os bronces foron para José Fraga (peso) e Isabel Bermúdez (altura e 60 valos).
Destacar que o Atlética A Silva-Ordes quedou clasificado na posición 19 dun total de 147 equipos. Con este campionato finaliza pista cuberta e empeza a tempada ao aire libre.
