Entre cen e duascentas persoas, dependendo da hora e a ponencia, están a seguir as sesións do I Congreso Internacional de Criminalística Aplicada, que teñen lugar este sábado e domingo en Noia e que reúnen a prestixiosos poñentes do mundo da criminalística. Un congreso organizado polo Instituto Internacional de Criminalística Aplicada (INICA) en colaboración co Concello de Noia e a Sociedade Liceo de Noia, onde teñen lugar as ponencias.
O alcalde de Noia, Santiago Freire, e o presidente do Liceo de Noia, Óscar Prego, foron os encargados de abrir as sesións desta mañá, acompañados por Luís Alamancos Pampín, director do centro de formación de INICA; e Antonio Busto Cuiñas, xefe do Departamento de Toxicoloxía e Medicina Legal e Forense de INICA. Alamancos Pampín destacou o gran nivel dos participantes nesta primeira edición e asegurou que “estamos seguros de que tendremos más ediciones y que convertiremos Noia en la capital nacional de la criminalística”.
Coronel Pedro Baños
O encargado de facer a ponencia inaugural foi o coronel Pedro Baños Bajo, ex xefe de Contraintelixencia do Exército Europeo, especialista en terrorismo xihadista, e colaborador do programa Espejo Público. Na súa charla, “La amenaza, en España, del terrorismo yihadista”, asegurou que “España es un objetivo histórico”, se ben recoñeceu que “no hay una reivindicación especial para recuperar Galicia, non hay ninguna amenaza directa”. Porén, Pedro Baños advertiu de que “aquí está Santiago de Compostela, que podría llegar a ser un objetivo por ser uno de los cinco lugares sagrados y de peregrinaje de la cristiandad”.
Sobre España, explicou que “somos un objetivo histórico. Francia, Reino Unido o Estados Unidos son objetivos militares porque están en guerra con ellos. Pero para los salafistas yihadistas nosotros somos los ocupantes y son ellos los que nos tienen que expulsar de su territorio”. Así, apuntou que durante 2016 houbo 56 referencias a España por parte dos grupos terroristas, cifra que foi de 30 entre agosto de 2017 e xuño de 2018. Así mesmo, asegurou que “la zona más preocupante de España es Cataluña, con datos objetivos. Es el gran centro con mucha diferencia”, chamando a atención sobre a situación de zonas como Santa Coloma del Gramanet.
Unhas conclusións ás que o coronel Pedro Baños chegou despois de remontarse e detallar as orixes do Islam pois “es importante entender la historia para entender el mundo actual”. Neste sentido, apuntou que “Turquía empieza a ser preocupante por el rigorismo que se está expandiendo por el país” e sinalou que “Arabia Saudí decapita a duascentas persoas cada ano en público, que no se nos engañe porque ahora estamos viendo hasta dónde pueden llegar”.
Neste sentido, sinalou que “el Islam no es solo una religión, es un movimiento político. El terrorismo es solo una parte. A mí me preocupa la parte política, a la que no se le presta la atención debida”. De feito, explicou que os terroristas “buscan símbolos. El número de muertos es irrelevante, lo importante para ellos es la simbología”.
Asasinato do xeneral Prim
A segunda ponencia da mañá, “El estudio criminalístico de la muerte del general Juan Prim y Prats”, correu a cargo da doutora María del Mar Robledo Acinas (doutora en Medicina Legal e Forense pola Universidade Complutense de Madrid e antropóloga forense) e Ioannis Koutsourais (especialista en Criminalística Forense, en organizacións criminais transnacionais e en tráfico ilegal en obras de arte).
Robledo Acinas explicou que “ir contra la historia no es sencillo. Pero queremos hacer justicia a un hombre al que no se le hace”. Neste sentido, e tras detallar un longo estudo dende o ano 2013, concluíu que “no decimos que lo estrangularan, sino que tiene unas marcas en el cuello propias de un estrangulamiento a lazo”.
Tamén lamentaron a mala conservación do cadáver momificado do xeneral, indicando que as 1.500 fotografías que tomaron durante a súa investigación “son el único testigo si alguien quiere volver a estudiarlo”. Así mesmo, María del Mar Robledo apuntou que “a Prim lo han matado de muchas formas en la historia y ninguna era la correcta”, salientando que “la historia que nos han contando nos ha engañado” pero, como puntualizou Ioannis Koutsourais, “hemos demostrado que después de los siglos aún se puede resolver un caso”.
Mortes por drogas en Galicia
Finalmente, a doutora Ana María Bermejo Barrera (doutora en Medicina e Cirurxía pola USC, especialista en Medicina do Traballo, e catedrática de Toxicoloxía na Facultade de Medicina e Odontoloxía da Universidade de Santiago de Compostela), explicou o papel do laboratorio de toxicoloxía forense. Así, cifrou en 50 a media de mortos por reacción adversa ao consumo de drogas de abuso (RADA) en Galicia.
“La vía que predomina es la inhalatoria”, apuntou Bermejo Barrera, quen advertiu de que “ahora vuelve con fuerza la vía parenteral (xeringas). Se vuelve a las malas costumbres”. Así, asegurou que “los positivos en VIH bajaron a medida que subió la vía inhalatoria”. Finalmente,, sinalou que “en Galicia el ahorcamiento es el método de suicidio más empleado”, se ben “parece que está de moda la precipitación”.
Xornadas do domingo
Para mañá domingo 21 de outubro están programadas tres ponencias e unha mesa redonda. Ás 9:00 horas, Pablo Villarrubia Mauso (doutor en Ciencias da Información pola Universidade Complutense de Madrid, especialista en Xornalismo Arqueolóxico, escritor e colaborador do programa de televisión Cuarto Milenio) impartirá a ponencia “Crimen y misterio. Diogo Alves, el mayor asesino en serie de Portugal”. Ás 10:00 horas será o momento para falar de “Los crímenes de guerra nazis”, da man da xornalista e escritora Montserrat Llor Serra.
Ás 11:00 horas, os anfitrións do congreso, Luís Alamancos Pampín e Antonio Busto Cuíñas, presentarán a ponencia “Investigación forense y pericia judicial. El reto ante las nuevas sustancias psicoactivas”. Unha charla que dará paso a “Con Voz de domingo”, unha mesa redonda de debate sobre crimen e medios de comunicación social dirixida pola xornalista María Meizoso Dopico.
