O prazo de solicitude permanecerá aberto ata o vindeiro 11 de outubro. Poderase beneficiar o alumnado de educación infantil, primaria e secundaria obrigatoria
Ata o vindeiro 11 de outubro o Concello de Ordes manterá aberto o prazo de solicitude para as axudas de material escolar. A convocatoria publícase no BOP de hoxe venres. Este ano o Departamento de Educación destina 24.000 euros, 6.000 € máis con respecto ao ano pasado, para as familias que estean empadroadas e residan no municipio. Tamén é requisito indispensable que o alumnado estea escolarizado no municipio nos cursos de infantil, primaria ou secundaria obrigatoria. O método de pago será mediante un vale que se poderá intercambiar nos establecementos adheridos.
Para calquera consulta pódese chamar ao 981680002 (ext. 4) ou ben ampliar a información a través dos seguintes enlaces: www.ordes.gal e (http://bop.dicoruna.es/bopportal/publicado/2018/09/14/2018_0000006677.pdf
