O Servizo de Normalización Lingüística (SNL) da Mancomunidade de Ordes rematou a xincana lingüística que ao longo do verán desenvolveu por boa parte dos municipios da comarca. Esta última parada foi en Ordes, onde os nenos e nenas disputaron distintas probas na que a habilidade e a rapidez xogaron unha baza fundamental para poder descubrir as palabras agochadas.
