As gala “Alas en tus pies” está enmarcada dentro do calendario de actividades de PEstudio do 2018 para celebrar o 20 de Novembro, o Día Internacional do Neno
A Asociación de Xornalismo Social e Comunicación PEstudio presentou, esta mañá, en rolda de prensa, na Leira Montesqueiro (lugar onde se celebra), a gala en favor da Fundación Amigos de Galicia “Alas en tus pies”. Esta gala, en colaboración coa Real Academia de Medicina e Cirurxía de Galicia terá lugar o próximo 9 de Novembro.
Durante o acto de presentación das actividades de PEstudio estiveron presentes a presidenta de PEstudio, Isabel García; o presidente da Ramycga, Carro Otero; Natalia Alcayde, especialista en moda e presentadora da gala; Miguel Villar, presidente da fundación Amigos de Galicia; Mar Sánchez, psicóloga de Neuromotiva; Ramiro Varela, cirurxián pediátrico e secretario da fundación Amigos de Galicia e Lucía Cidón, directora da Leira Montesqueiro.
A presidenta de PEstudio, Isabel García, destacou a necesidade de “meter á Infancia na axenda mediática e política” por iso, di, “desde PEstudio, seguiremos traballando para conseguilo”. Agradeceu tamén a xenerosidade de todas as persoas que a acompañaban para poñer en marcha as gala “Alas en tus pies”.
“Alas en tus pies” quere unir a todos os axentes e persoas que traballan a favor da Infancia e á sociedade en xeral porque todos, segundo marca a Convención de os Dereitos do Neno, somos corresponsables.
O evento terá lugar o próximo 9 de Novembro na Leira Montesqueiro. O seu xerente Lucía Cidón mostrouse ilusionada por poder participar “nesta primeira gala benéfica para a leira, especialmente tratándose dun colectivo tan vulnerable como a Infancia”. Pola súa banda, Miguel Villar, o presidente da Fundación Amigos, cualificou como un “eloxio, estar presente nesta gala e que os beneficios vaian para a súa entidade”. Villar quixo poñer de relevo a importancia de @dicha gala xa que servirá para financiar parte da axuda prestada ás máis de 30.000 persoas que atenden, os 50% nenos e nenas da nosa comunidade autónoma.
O cirurxián pediátrico e secretario da Fundación Amigos de Galicia, Ramiro Varela, apelou á Sociedade para acudir a esta gala para axudar ao empoderamiento daquelas persoas que o necesitan. “Vivimos de preto as necesidades e sabemos que moitas familias non poden comprar medicamentos”. De aí, di, a relevancia desta gala para recadar fondos.
Para pechar o acto, o presidente da Ramycga mostrou a súa implicación pola Infancia, algo polo que di, “ao ser requirido por PEstudio non puiden dicir que non”. Carro Otero avalou tamén o labor da Fundación Amigos por Galicia e animou á Sociedade para sumarse de boa gana iniciativas pois “o tema do que falamos, a Infancia, non é vanal”. “É unha necesidade real e de total actualidade”.
As gala “Alas en tus pies” pretende reunir a máis de 300 comensais para recadar fondos a favor da Fundación Amigos de Galicia. As inscricións xa están abertas. En caso de non poder acudir, podería solicitarse a mesa 0. A presentadora de @dicha gala será a especialista en moda Natalia Alcayde, xunto ao xornalista radiofónico coruñés, José Gerardo Fernández
