7 equipos cos seus correspondentes pilotos participarán este fin de semana no II RallyMix Concello de Touro, que terá lugar os días 21 e 22 de abril nas pistas de terra e de asfalto da parroquia de Loxo, Concello de Touro (Concello de Touro). O II RallyMix de Touro, organizado pola escudería Touro Motor con apoio da Federación Galega de Automobilismo,da Xunta de Galicia e do Concello de Touro, é valedeiro e puntuable para o Campionato de Galicia RallyMix 2018. Esta é a segunda proba do campionato. Os pilotos inscritos proceden de Galicia, Asturias, País Vasco e Castela-León.
O RallyMix conta cunha parte do trazado sobre asfalto e outra parte sobre terra. O trazado no que se fará esta proba ten unha lonxitude de 10 quilómetros. E a terra representará o 70% do trazado e o resto será asfalto (30%). O circuito discurrirá nas proximidades de Loxo. O sábado 21 de abril comenzarán a primeira hora as verificacións administrativas e técnicas. Ás 09.30 horas está previsto o recoñecemento dos tramos polos pilotos. A primeira manga empezará ás 12.30 horas. E haberá outras dúas mangas nese día, que comenzarán unha ás 15.30 horas e a última, ás 17.30 horas. O domingo día 22 de abril contará con dúas mangas. A primeira proba ese día está prevista para ás 10.00 horas; e a segunda será a partir das 12.00 horas. Xa ás 16.30 horas será a entrega de trofeos.
Touro Motor confía en que acuda numeroso público e afeccionados a presenciar a proba puntuable para o Campionato de Galicia RallyMix 2018. José Ramón González, máximo responsable de Touro Motor, destacou a elevada presencia de pilotos, que sobrepasa as previsións iniciais. Confía tamén en que o tempo acompañe e permita presenciar unha proba espectacular nun trazado tamén espectacular.
