Emalcsa realizará cortes no municipio o mércores para mellorar a rede de abastecemento

O próximo día 7 de febreiro de 9.00 a 12.00 horas Emalcsa cortará a subministración de auga nas zonas de Tabeiaio, Altamira (Sigrás) e Andeiro con motivo dunhas melloras na rede de abastecemento. O Concello de Cambre quere alertar aos veciños afectados destas zonas para que estean informados dos cortes que se producirán o mércores. O alcalde, Óscar Patiño, lamenta os prexuízos que poida ocasionar o corte de auga nestas parroquias, aínda que sinala que o motivo é a mellora da rede.