O Concello de Ordes felicita ás atletas ordenses María Pena e Lara López, así como ao seu adestrador Pepe Domínguez, polos bos resultados acadados no Campionato de España Cadete de Seleccións Autonómicas. María Pena Ferreiro obtivo a medalla de prata en lanzamento de xavelina cunha marca de 37.96 metros, a mellor marca persoal para a atleta. Pola súa banda Lara López e Pepe Domínguez formaron parte do grupo da selección galega, que rematou cun meritorio quinto posto nacional. A competición tivo lugar esta pasada fin de semana en Lorca, Murcia.
