Setenta alumnos da Escola Municipal de Ballet subiranse este domingo 11 de xuño ás 20 horas no Auditorio Municipal con motivo dunha nova edición do Festival de Danza Clásica.
A cita, que está incluída no Xuño da Cultura e as Artes, foi presentada hoxe pola concelleira Herminia Pouso e por Cristina Riveiro como directora do centro formativo.
O festival arrancará ás 20 horas e comprenderá tres partes entre as cales a segunda terá ambiente oriental coa interpretación de “A Bayadera”, obra ambientada na exótica e misteriosa India. A despedida contará cun vals a cargo da profesora Cristina Riveiro.
Ademais, como novidade, a alumna de sexto curso de piano do Conservatorio de Riveira Michelle Pena tocará un par de pezas do filme “Pear Harbor” e o Lago dos Cisnes.
O acceso é libre e gratuíto e poranse as entradas a disposición dos interesados dende media hora antes.
