Un cento de afeccionados ao mundo das novas tecnoloxías participaron na lan party Uxianet 1.4.
Esta actividade, promovida polo Concello en colaboración coa asociación Birus, está a encher o inmoble da Casa de Xuventude, incluíndo o albergue onde moitos dos participantes están a pernoctar.
Aínda que a lan party deu comezo é a partir do sábado foi cando esta iniciativa alcanzou toda a súa intensidade, dado que un gran número de inscritos non comezaron a chegar ata últimas horas do día pasado.
Fotografía dixital
Como é habitual, de xeito complementario sucédense todo tipo de accións que están abertas a calquera interesado. É o caso esta mesma tarde dun ciclo de charlas dedicado a fotografía dixital, tratamento de imaxes e preimpresión, impartida por un experto na materia. Tamén están previstas conferencias sobre redes P2P e talleres sobre temas como programación Android e programación web, así como torneos de xogos, etc…
Unha das actividades que xa se está a desenvolver é a montaxe dunha impresora 3D capaz de replicar artículos en plástico.
