Persoal das instalacións deportivas municipais Iván Raña, así como membros do equipo de hóckey A.C. Órdenes, participaron na xornada formativa sobre desfibriladores. Unha medida impulsada dende a área de Deportes do Concello de Ordes, que recentemente fixo un investimento de máis de 5000 € para a instalación destes dispositivos na piscina Iván Raña, no pavillón Castelao I, ademais de mellorar o do campo de fútbol de Vista Alegre. O dito curso foi impartido na Casa da Cultura por formadores profesionais pertencentes á Cruz Vermella, e tivo unha duración total de 8 horas.
Tal e como se acordara no pleno de febreiro en base a unha moción defendida polo grupo nacionalista o Goberno Local de Ordes pretende extender a súa rede de espazos cardioprotexidos. Con isto increméntase a seguridade ante casos de paradas cardiorespiratorias, que no territorio galego chegan ás 800 ao ano.
