Go-Lab é un proxecto que promove a introdución de laboratorios virtuais e remotos no curriculum de ciencias
O Concelleiro de Educación, Jesús Vázquez, felicitou o IES David Buján de Cambre pola súa selección como centro piloto para o proxecto europeo Go-Lab, Learning by experience, xunto con outras 70 escolas españolas. Go-Lab é un proxecto que promove a introdución de laboratorios virtuais e remotos no curriculum de ciencias. O proxecto europeo Go-Lab (Global Online Science Labs fueraInquiry Learning at School – Laboratorios Globais Online de Ciencias para a aprendizaxe baseada na Investigación na Escola) fomenta o uso educativo de laboratorios remotos e online en escolas e colexios a grande escala (máis de 1000 centros educativos en Europa). O portal educativo Go-Lab ofrece aos estudantes a posibilidade de realizar experimentos personalizados con laboratorios online, e tamén que os profesores poidan enriquecer as súas actividades en clase con
demostracións e compartir e diseminar as súas experiencias coa
comunidade pedagóxica nun ambiente web. Así mesmo ofrece acceso a un conxunto de laboratorios online que pertencen a centros de investigación, como por exemplo a Axencia Espacial Europea (ESA, Holanda), o Centro Europeo de Investigación Nuclear (CERN, Suíza), Núcleo Interactivo de Astronomía (NUCLIO, Portugal), así como universidades e outras institucións. Estes laboratorios online poden ser usados por colexios, escolas, institutos, centros de ciclos formativos, universidades e centros de formación continua para incrementar a aprendizaxe científica con
experimentos que non só poden ser usados como demostracións por
parte do profesor, senón tamén polos alumnos mesmos permitíndolles eles a experiencia real do traballo científico. Actualmente un profesor do centro está a formarse para levar a cabo este proxecto e converternos nun centro de referencia. Para iso é necesaria mellorar a conexión de internet xa que estes laboratorios on line precisan de suficiente canle de suba e baixada de arquivos.
