A reunión foi copresidida polo subdelegado do Goberno na Coruña, Jorge Atán, e o alcalde de Cambre, Óscar García
O subdelegado do Goberno na Coruña, Jorge Atán, e o alcalde de Cambre, Óscar García, copresidieron esta mañá a reunión da Xunta Local de Seguridade, que celebrou unha sesión ordinaria nesta localidade. Xunto a eles, asistiron a vicesecretaria xeral da Delegación do Goberno, Eva Vázquez; a xefa da unidade de Violencia sobre a Muller da Subdelegación do Goberno, Judith Fontenla; o coronel xefe da Comandancia da Garda Civil da Coruña, Javier Jambrina, acompañado polo brigada xefe accidental do Posto de Cambre, Esteban Miguélez, Juan Cepeda e o inspector da Policía Autonómica, Antonio Neto. Por parte do concello, acompañaron ao alcalde a concelleira de Protección Civil, Policía Local e Sanidade, Josefa Vázquez; e o inspector da Policía Local de Cambre, José Antonio Barcala, xunto con dous oficiais do mesmo corpo policial.
A Xunta abordou os mecanismos de coordinación policial no ámbito da prevención e loita contra a violencia de xénero no municipio de Cambre. Os resultados deste programa constatan a boa coordinación que existe entre Garda Civil e Policía Local no seguimento e vixilancia dos casos de violencia de xénero, co obxectivo prioritario de protexer ás vítimas desta secuela que precisen deste tipo de seguimento. A Xunta acordou seguir implementando estes mecanismos co obxectivo de erradicar calquera manifestación deste tipo de violencia no Concello.
SEGURIDADE CIDADÁ
Na reunión deste órgano colexiado analizouse a evolución da seguridade cidadá no Concello de Cambre, que mostra unha mellora dos índices de seguridade neste arranque de ano. Así, os datos achegados pola Garda Civil apuntan a un descenso dun 30% no número de infraccións penais cometidas no municipio nos dous primeiros meses do 2017, e en comparación co mesmo período do ano anterior.
A Xunta ratificou a boa coordinación existente en seguridade cidadá entre Policía Local e Garda Civil, que se canaliza a través da Comisión de Coordinación Policial, na que están presentes os responsables de ambos os corpos.
OUTROS ASUNTOS
Na mesma reunión, o subdelegado do Goberno na Coruña lembrou as modificacións normativas relativas á seguridade en espectáculos pirotécnicos e as novidades derivadas da entrada en vigor da nova Lei de Seguridade Cidadá.
