Esta fin de semana tivo lugar no pavillón Campomaior o IV Trofeo Concello de Ordes de tiro con arco. Unha competición na que se deron cita preto de 70 competidores das categorías esquío, benxamín, alevín, infantil, cadete, novel e sénior, das escolas municipais de Ordes, Laracha, Teo e Lugo; V. Vilamarín; Dous x Setenta; Club Adarve, Club Guitiriz e Arco Arzúa. O equipo local ordense acadou a terceira posición na categoría sénior e a segunda na de cadetes. Ana Soneira, edil de Deportes, foi a encargada de entregar os trofeos a todos os gañadores e gañadoras.
