Numerosas persoas acudiron onte pola noite ao Centro Cultural Lustres Rivas para asistir a presentación do libro “Versos Diversos”, primeiro poemario do riveirense Ignacio Lens Sarasquete.
Ademais da do autor, o acto contou coas intervencións do xornalista Pemón Bouzas e do alcalde Manuel Ruiz. Entre o público, o senador José Luis Torres; distintos concelleiros da Corporación; Pastor Rodríguez, Manuel Cartea, e moitos amigos e veciños que non se quixeron perderse este evento.
Ignacio Lens explicou que a súa afección tardía a escribir naceu a partir da creación dun blog persoal e que a raíz de compartir algúns anacos en redes sociais foi animado por moitos amigos a lanzarse a esta publicación pese a non ter esa intención e considerar o seu contido moi íntimo. Agora mesmo está a preparar xa o seu segundo libro.
Pemón Bouzas fixo fincapé na fonda compoñente romántica cun punto de canalla que ten un libro no que Ignacio se ispe e salientou a musicalidade de moitos dos textos que o achegan a cantautores como Joaquín Sabina, ademais doutras influencias declaradas como Mario Benedetti ou Alfonsina Storni.
Manuel Ruiz destacou a valentía de Ignacio Lens de ser capaz de recoller os seus sentimentos e publicalos superando mesmo un certo grao de timidez; e o animou a seguir escribindo.
Ao finalizar a presentación, Ignacio Lens estivo dedicando o seu libro, de 154 páxinas, a moitos dos asistentes.
