O Concello de Cambre contratará a reparación de todos os pasos elevados da Barcala que actualmente presentan unha deterioración visible polo paso do tempo e do tráfico rodado.
Os traballos de reparación poderían comezar antes da primavera, pero mentres o proceso de contratación segue o seu curso a Brigada de Obras Municipal reparará o paso de peóns da entrada da urbanización xa que é o que soporta maior tráfico de vehículos.
Segundo a concelleira de Servizos, Elisa Pestonit, a actuación é prioritaria e foi demandada por moitos veciños da urbanización polo que o arranxo dos pasos elevados e pasos de peóns é unha actuación ineludible que o Concello levará a cabo canto antes.
Durante a campaña de participación “Decidámolo Xuntos” houbo máis dunha decena de solicitudes referentes ao arranxo destes pasos elevados polo que o goberno local entende que é unha actuación prioritaria.
