Arredor de 150 afeccionados ao ciclismo na natureza participaron na tarde do 18 de xuño, na VII Ruta Río Ulla en BTT en Touro. Os corredores disfrutaron dunha tarde de sol. Os participantes situáronse puntualmente na meta, instalada diante da sede do Concello de Touro, para tomar a saída. Antes de iniciar a ruta non competitiva polas pistas os arredor de 150 ciclistas percorreron as rúas de Fonte Díaz. Logo xa comenzaron o percurso que os levou polas paraxes máis fermosas da comarca de Santiago, nas ribeiras do Ulla. Os participantes percorreron 40,5 quilómetros por plena natureza e acompañando o curso do río Ulla ao seu paso polo Concello de Touro. Polo río corría unha brisa que fixo moi agradable o percorrido. Os cliclistas tamén aproveitaron as zonas de sombra, entre a natureza desbordante do Ulla ao seu paso polo Concello de Touro.
A ruta, xa consolidada no calentario de probas de BTT, tiña unha calificación de dificultade técnica/física: media/alta. Tamén houbo unha ruta corta de 29 quilómetros. O Concello de Touro, organizador da proba, repartiu premios para os participantes. Colaboran na organización da proba a Xunta de Galicia, a Deputación da Coruña, as Casas de Turismo Rural de Touro e a Imprenta Ayude de Arzúa. Tras a proba sorteáronse cinco fins de semana para dúas persoas nos siguentes establecementos hoteleiros do Concello de Touro: A Pena de Augasantas (Beseño), Casa Míguez (Quión), Pazo de Andeade (Andeade), Divina Pastora (Loxo) e Fogar de Ínsua (Prevediños).
