Mar Vilanova de la Torre é unha cambadesa que leva máis de 20 anos traballando na caracterización aromática do viño en diferentes centros nacionais e internacionais
A Consellería de Medio Rural está a colaborar coa enóloga Mar Vilanova na difusión da súas investigacións acerca da calidade das distintas variantes de viño galego co fin de mellorar o coñecemento da produción vinícola da nosa comunidade. A directora xeral de Gandaría, Agricultura e Industrias Agroalimentarias reuniuse esta semana con esta experta e técnicos da Consellería para avanzar nesta cooperación.
A Doutora Mar Vilanova de la Torre é unha experimentada enóloga galega que traballou en centros nacionais e internacionais de Francia, Australia, Portugal e Italia. Conta con máis de 90 artículos científico-técnicos publicados.
En Maio de 2016 foi premiada co mellor traballo de Investigación no congreso nacional de Enólogos. O traballo que acadou esta distinción titúlase ‘Estratexias vitícolas fronte ao cambio climático: Influencia no aroma da uva’. Un estudo plurivarietal en diferentes zonas vitícolas españolas.
Dende hai doce anos desenvolve os seus traballos de investigación na Misión Biolóxica de Galicia – CSIC. Estes traballos están dirixidos ao estudo das calidades das variedades de vid, centrándose no potencial aromático das variedades procedentes de Galicia.
