O Concello de Riveira informa de que este luns día 6 de xuño comeza o período de inscrición para apuntarse nos obradoiros de conciliación do Verán Cultural 2016.
O prazo para anotarse arrancará a partir das 9 horas podéndose facer ben nun formulario online que se habilitará na web do Concello (www.riveira.gal) ou ben no Centro Cultural Lustres Rivas, en horario de luns a venres de 9 a 13 e de 18 a 21 horas ata o 16 de xuño (no caso do formulario online o prazo remata ás 23.59 horas).
Haberá habilitadas 120 para o obradoiro Xoga con Nós (para nenos nados de 2008 a 2013 e que se celebrará no CEIP O Grupo), 30 para Verán Rechinán (que terá lugar nun agrupamento parroquial) e 34 para o Camp of Cultural Summer (para nenos de 2004 a 2008) no CEIP O Grupo.
Un 10% das prazas serán reservadas para prazas de emerxencia social.
